მეგობრებო თქვენთვის ძალიან, ძალიან სასიხარულო ამბავი გვაქვს. გუშინ 21 ნოემბერს (2016) გაიმართა ბუშტების ფეხბურთში ფინალური შეხვედრა SEU-სა და 51-ს გუნდებს შორის. გამომდინარე იქიდან, რომ SEU ცნობილია თავისი სპორტული მიღწევებით, ეს შეხვედრა 51-ელებისთვის დიდ გამოწვევას წარმოადგენდა.
ჩვენმა სპორტსმენებმა იმედი არ გაგვიცრუეს, ბოლომდე იბრძოლეს და გამარჯვება მოიპოვეს. თამაში 1:0-ით დასრულდა 51-ს სასარგებლოდ. 51 ბუშტების ფეხბურთის ჩემპიონატის გამარჯვებულია! 51 ამაყობს თქვენით: ლეონარდო გაბუნია, დანიელ ჩანჩალაშვილი, მენგლი უვდიევა, დიანა კნიშ, სანდრო მირიჯანაშვილი, გიორგი არაბული, ნიკა ტალახაძე.
ეს გამარჯვება დიდი სტიმულია ყველა 51-ელისთვის, რომელიც მონაწილეობას იღებდა და მიიღებს გარე ტურნირებში 51-ს სახელით. ჩვენ ძალიან გვიხარია, რომ 51-ელების უმრავლესობა სპორტულად აქტიურია და ყოველთვის გამოთქვამს სურვილს მონაწილეობა მიიღოს სხვადასხვა სპორტულ თამაშებში. ეს მხოლოდ დასაწყისია, წინ კიდევ უამრავი გამარჯვება გველის. #WeAre51
